бура-қотан

зат. көне

Жастар дөңгелене, алқа-қотан отырып ойнайтын ұлттық ойын. Мал шаруашылығына байланысты пайда болған. Ойыншылар дөңгелене қол ұстасып, қора жасап тұрады. Бір адам бура, екіншісі інген болады. Қораға кірген бурадан інген сескеніп, сыртқа қашады. Бура інгенді ұстауға тырысады. Ойынға қатысушылар қол ұстасып, бураны қақпалай береді, інгенге жол ашады. Інгенді ұстауға барынша кедергі жасалады, Ойын осылайша інгенді ұстап алғанша созыла береді.